Willem Vermandere - De Geboorte

je zijt geboren om te leven
't is gratis joen gegeven
g'hèt een mondje om te zuigen
en een slabbetje voor 't spugen
g'hèt twee handjes om te grijpen
twee kaakskes om in te nijpen
een keelgat om te slikken
en een buik om te verdikken
je zijt geboren om te groeien
je zit in 't bootj' en ge moet gie roeien
twee voetjes om te lopen
een paar schoentjes moet je maar kopen
g'hèt een neuze om te snuiten
g'hèt oren om in te tuiten
g'hèt tanden om te bijten
en een broek om te verslijten
je zijt geboren om te leren
naar schole gaan wel duizend keren
en zinnetjes om te zeggen
en problemen om uit te leggen
g'hèt liedjes om te zingen
g'hèt een koorde om in te springen
een boekentasje kopen
en schoon in de reke lopen
Je zijt geboren om er te geraken
lijk dat we zeggen carrière maken
daarvoor moet je studeren
u helegans bediplomeren
met sport je spieren sterken
zodat je later goed kunt werken
de princiepen gaan z'u wel wijzen
zodat je zelve nie moet peinzen
je zijt geboren om te trouwen
om een nestje te gaan bouwen
met een pelouse om af te rijen
en een lief om mee te vrijen
en tegare slapen en dromen
laat de kindjes nu maar komen
tegare weunen een leven lang
in een huis vol kindergezang
je zijt geboren om te sterven
heel stillekes te bederven
je kinders groot zien groeien
en langzaam uit te bloeien
in je zetel zitten dromen
en de dood dichte zien komen
en slapend weg te zwerven
en zacht in vrede sterven